ओखलढुंगा : ओखलढुंगामा आगलागी हुँदा एक घरसहित दुईवटा मोटर साइकल जलेका छन् । सोमबार बिहान सिद्विचरण नगरपालिका -१० बेतेनीमा भएको आगलागीमा ११ लाख बढी रुपैयाँको क्षति भएको प्रहरीले जनाएको छ ।
बेतनीका केदारनाथ धमलाको फुसको छानो भएको ३ तले घरमा आगलागी हुँदा घर,काठपात, घरभित्र राखेको बा. ८२ प ७७२ न.को पल्सर र बा. ८५ प २४०८ नम्बरको होण्डा मोटरसाइकल जलेर पूर्ण क्षति भएको जिल्ला प्रहरी कार्यालयका प्रहरी निरीक्षक बालिस्टार सिंहले जानकारी दिए ।
आगलागीको कारण नखुलेको र अनुसन्धान भइरहेको प्रहरीको भनाइ छ ।
प्रतिक्रिया दिनुहोस !
