झापा : अर्जुनधारा नगरपालिका-७ जरूवा टोल बस्ने ४७ वर्षीय तिखबहादुर विश्वकर्मा र ५० वर्षीय शावा लिम्बूलाई १ केजी ७ सय ९० ग्राम तौल भएको हात्तीको बङ्गारा जस्तो देखिने वस्तुसहित प्रहरीले पक्राउ गरेको छ ।
तिख बहादुरको किराना पसलमा हात्तीको बङ्गारा लुकाइ राखेको भन्ने खबर प्राप्त हुनासाथ प्रहरी चौकी शनिश्चरेबाट खटिएको प्रहरीले उक्त वस्तु फेला पारी उनलाई पक्राउ गरेको थियो ।
थप अनुसन्धानका क्रममा उक्त वस्तु शावा लिम्बूको घरबाट ल्याएको भन्ने खुल्न आएपछि लिम्बूलाई समेत प्रहरीले पक्राउ गरेको हो । प्रहरीले घटनाबारे आवश्यक अनुसन्धान गरिरहेको जनाएको छ।
प्रतिक्रिया दिनुहोस !
