एकै समयमा दुई बिरामीको मृत्यु प्रकरण
सुरक्षाको माग गर्दै पाटन अस्पतालका डाक्टरहरू आन्दोलित
कात्तिक २१, २०८० मंगलबार १२:४९:८
काठमाडौं : ललितपुरमा रहेको पाटन अस्पतालका चिकित्सकहरुले आकस्मिकबाहेकका सेवा बन्द गर्दै प्रदर्शन गरेका छन् । अस्पतालमा कार्यरत चिकित्सक तथा स्वास्थ्यकर्मीहरूमाथि बिरामीका आफन्तले कुटपिट गरेको भन्दै चिकित्सकहरुले आकस्मिकबाहेकका सेवा बन्द गर्दै प्रदर्शन गरेका हुन् ।
दुई बिरामीको एकै समयमा भएको मृत्युको घटनाको अनुसन्धान भइरहेको अवस्थामा आफूहरुमाथि कुटपिट भएकाले सुरक्षाको माग गर्दै प्रदर्शन गरिएको पाटन अस्पतालका चिकित्सक डा बिमल पाण्डेले बताए।।
प्रदर्शनमा सहभागी चिकित्सकहरुले स्वास्थ्य क्षेत्रमा राजनीति बन्द गर, डाक्टर कुट्न पाइदैन,डाक्टर कुटाइ खादैछ, समाज कता जाँदैछ लगायतका प्लेकार्ड प्रदर्शन गरेका थिए ।
उनीहरुले कुटपिटका दोषीलाई कारबाही नभएसम्म नियमित सेवा दिन नसक्ने जनाएका छन् ।
प्रतिक्रिया दिनुहोस !
