फरार अभियुक्त ३० वर्षपछि पक्राउ
कञ्चनपुर : ३० वर्षदेखि फरार रहेका अभियुक्त कञ्चनपुरको दोधारा चादँनीबाट पक्राउ परेका छन्।
जिल्ला प्रहरी कार्यालय कञ्चनपुरका अनुसार फरार रहेका अभियुक्त धनबहादुर सुनारलाई आज पक्राउ गरिएको हो।
उनलाई २०५० फागुन १५ गते जिल्ला अदालत कञ्चनपुरले कुटपिट मुद्दामा छ महिना कैद र दुई हजार जरिवानाको फैसला सुनाएको थियो।
कञ्चनपुर प्रहरीले सुनारलाई पक्राउ गरी कैद सजाय भुक्तानका लागि अदालतमा पेश गरी अदालतले शुक्रबार नै कारागार चलान गरेको छ।