धरान : नेपाल- भारत सीमा क्षेत्रका २ सय ९० सीमा स्तम्भको मर्मत गरिएको छ । कोशी प्रदेशको सुनसरी र भरातको बिहार राज्यको अररिया सुपौल जिल्लाको सीमानामा रहेका सीमा स्तम्भको मर्मत भइरहेको छ ।
नेपालतर्फ सशस्त्र प्रहरी र भारततर्फ भारतीय सुरक्षा बल एसएसबीको टोलीले सीमा स्तम्भको मर्मत कार्य सुरु गरिएको सशस्त्र प्रहरी बल कोशी प्रदेश प्रमुख डीआइजी अन्जनीकुमार पोखरेलले जानकारी दिए।
उनले एक हजार ७ सय ८७ सीमा स्तम्भको मर्मत कार्य भइरहेको बताए । जसमध्ये सशस्त्र प्रहरीले ४ सय ८४ वटा बिजोडि नम्बरका सीमा स्तम्भ र बाँकी रहेका सीमा स्तम्भको भारत पक्षले मर्मत गरेको डीआइजी पोखरेलले बताए ।
सुनसरीमा पर्ने २ सय ९० सीमा स्तम्भको मर्मत कार्य भइसकेको सशस्त्र प्रहरी बल ४ नम्बर गण सुनसरीका प्रमुख एसपी लकेशकुमार तुम्बाहाम्फेले बताए । उनले सुनसरीमा पर्ने एकसय ३३ बिजोडि नम्बरका सीमा स्तम्भको सशस्त्र प्रहरीले मर्मत गरेको बताए ।
कोशी प्रदेशका सुनसरी, मोरङ, झापा, इलाम र पाँचथर जिल्लामा रहेका सबै सीमा स्तम्भहरुको मर्मत गरि सीमा क्षेत्रको सुरक्षा व्यवस्था मजबुत पारिएको डीआइजी पोखरेलले बताए ।
प्रतिक्रिया दिनुहोस !
