अर्घाखाँची : अर्घाखाँचीको शितगंगा नगरपालिकामा भएको ट्रक दुर्घटनामा २ जनाको मृत्यु भएको छ। शनिबार साँझ महेन्द्र राजमार्गको शितगंगा- ८ सातमारामा राप्ति पुल नजिकै ना ६ ख २७३९ नम्बरको ट्रक अनियन्त्रित भई दुर्घटना हुँदा चालक र सहचालकको मृत्यु भएको जिल्ला प्रहरी कार्यालयले जनाएको छ।
प्रहरीका अनुसार ट्रकका चालक नवलपरासी (पश्चिम) रामग्राम नगरपालिका -१८ का ३१ वर्षीय संजयकुमार चौधरी र रुपन्देही सियारी गाउँपालिका-२ का सहचालक भोला कुर्मीको मृत्यु भएको हो।
गम्भीर घाइते भएका उनीहरुलाई भालुवाङ्ग अस्पतालमा सामान्य उपचार गरेपश्चात थप उपचारका लागि बुटबल रेफर गरिएको थियो। दुवै जनाको उपचारको क्रममा मृत्यु भएको हो।
(यस अगाडि मृतकको नाम फरक पर्ने गएकोमा सच्याइएको छ।- सम्पादक)
प्रतिक्रिया दिनुहोस !
