महोत्तरी : महोत्तरीको गौशालामा प्रदेशस्तरीय फुटबल टुर्नामेन्टको आयोजना हुने भएको छ। गौशाला नगरपालिका-४ मा रहेको विर्ता स्पोर्टस क्लबको आयोजनामा पुस १४ गतेदेखि टुर्नामेन्ट हुने भएको हो।
स्व. सहिद रामलखन चौधरीको स्मृतिमा १२ औं संस्करणको खेलको आयोजना गर्ने भएको क्लबका अध्यक्ष अशोक महतोले जानकारी दिए।
मधेस प्रदेशका १६ टिम सहभागी रहने यस प्रतियोगितामा पहिलो हुने टिमलाई ७० हजार रुपैयाँ, मेडल र प्रमाणपत्र र दोस्रो हुने टिमलाई नगद ३५ हजार रुपैयाँ, मेडल र प्रमाणपत्र प्रदान गरिने अध्यक्ष महतोले बताए।
प्रतिक्रिया दिनुहोस !
