‘समृद्धिका लागि संकल्प यात्राले जनतामा सकरात्मक प्रभाव पर्यो’
काठमाडौं : नेकपा एमालेका महासचिव शंकर पोखरेलले ‘झुलाघाट-चिवा भञ्ज्याङ समृद्धिका लागि संकल्प यात्रा’ले सकरात्मक प्रभाव पारेको बताएका छन्। आइतबार पार्टी कार्यालयमा पत्रकार सम्मेलन गर्दै उनले मुलुकलाई सकरात्मक दिशा प्रदान गर्न यात्राले भूमिका खेलेको बताएका हुन्।
मध्यपहाडी र पुष्पलाल लोकमार्गका जनतालाई मात्र नभई देश विदेशमा रहेका जनतामा सकरात्मक प्रभाव पारेको उल्लेख गरे। उनले मुलुकको विकास गर्न बलियो शक्ति आवश्यक पर्ने भएकाले सम्बन्ध स्थानीय-सन्देश राष्ट्रिय भन्ने मान्यतालाई उजागर गरेको जानकारी दिए।
उनले मुलुकको विकासका लागि बहस बनोस् भन्ने धारणा राखेका छन्। उनले भने,‘एउटा राष्ट्रिय विमर्श अगाडि बढोस् र मुलुकले विमर्शको माध्यमबाट समृद्धि र विकासमा अगाडि बढोस् भन्ने अपेक्षा र विकास गरोस्।’