वीरगन्ज : वीरगन्ज महानगरपालिकाले महानगरका सबै ३२ वटा वडामा रहेका मस्जिदहरूमा गिजर मेसिन र कार्पेट वितरण गरेको छ।
वीरगन्ज मुस्लिम उत्थान समितिको समन्वयमा महानगरपालिकाले ३२ वटै वडाका विभिन्न मस्जिदमा १/१ थान गिजर मेसिन र कार्पेट वितरण गरेको हो।
अहिलेको बढ्दो चिसोमा तातोपानीको सेवा उपलब्ध होस् भनेर मस्जिदहरूमा गिजर मेसिन वितरण गरिएको महानगरपालिका मेयर राजेशमान सिंहले बताए।
मुस्लिम समुदायको हकहितका लागि महानगरले स्थापना गरेको मुस्लिम उत्थान समितिले स्थलगत रुपमा नै पुगेर त्यहाँ अति आवश्यक पर्ने साधन उपलब्ध गराउन महानगरसँग सहजीकरणको काम गरिरहेको वीरगन्ज मुस्लिम उत्थान समितिका अध्यक्ष अब्बास मन्सुरीले बताए।
प्रतिक्रिया दिनुहोस !
