सिमरा: बाराको पथलैया-अमलेखगञ्ज सडकखण्ड अन्तर्गत आधाभार नजिक बुधबार बिहान ट्रक र बोलेरो जीप एकआपसमा ठोक्किंदा दुई जनाको मृत्यु भएको छ भने तीन जना घाइते भएका छन् ।
पथलैयाबाट हेटौंडातर्फ जाँदै गरेको ना६ख नम्बरको ट्रक र हेटौंडाबाट पथलैयातर्फ आउँदै गरेको बागमती प्रदेश ०१-०२६ च १३३४ नम्बरको जीप ठोक्किएको हो । दुर्घटनामा चालकसहित दुई जनाको मृत्यु भएको छ ।
मृत्यु हुनेमा भारत मोतिहारी मधुवन थाना ग्राम कुन्दनपुरका करिब २८ वर्षीय चन्दन चौहान रहेका छन् भने चालकको पहिचान खुल्न सकेको छैन ।
दुर्घटनामा परी घाइते तीन जनाको एलएस न्युरो अस्पतालमा उपचार भइरहेको छ । घाइतेको अवस्था गम्भीर रहेको ईलाका प्रहरी कार्यालयले जनाएको छ ।
प्रतिक्रिया दिनुहोस !
