मिटरव्याज पीडितले भेटे एमाले महासचिव, आवश्यक पहल गरिदिन अनुरोध
काठमाडौं : मिटरव्याज पीडितहरूले नेकपा एमालेका महासचिव शंकर पोखरेललाई भेटेर आफ्ना माग पूरा गराउन आवश्यक पहल गरिदिन अनुरोध गरेका छन्।
पार्टी केन्द्रीय कार्यालयमा भएको भेटमा महासचिव पोखरेलले मिटरव्याज पीडितहरूको आन्दोलनप्रति पार्टीको ऐक्यवद्धता रहेको र संसदबाट कानुनसमेत बनेको हुँदा सरकारले मिटरव्याजीहरूलाई कारबाही र पीडितहरूलाई न्याय दिनुपर्ने पार्टीको धारणा जानकारी गराएका थिए।
महासचिव पोखरेललाई भेट्न मिटरव्याज तथा ठगी विरूद्ध किसान मजदुर संघर्ष समिति नेपालका प्रवक्ता निर्ग नविनको नेतृत्वमा बोधकुमारी गिरी, उमेश गिरी र विशाल क्षेत्री एमाले मुख्यालग गएका थिए।