हमासले गाजा पट्टीमा बन्धक बनाएका ७ जनाको मृत्यु भएको दाबी गरेको छ । हमासले इजरायली बमबारीका कारण ७ बन्धकहरूको मृत्यु भएको बताएको छ।
हमासले मारिएका बन्धकहरूको संख्या ७० भन्दा बढी हुन सक्ने बताएको छ ।
ज्यान गुमाउने सात बन्धकहरू पहिले नै मारिएका ३१ बन्धकहरूमा पर्छन् वा पर्दैनन् भन्ने पनि स्पष्ट पारिएको छैन।
यस सम्बन्धमा इजरायलबाट कुनै प्रतिक्रिया आएको छैन र न हमासले कुनै ठोस प्रमाण पेश गरेको छ ।
हमासले अक्टोबर ७, २०२३ मा दक्षिणी इजरायलमा आक्रमण गरेको थियो। सो क्रममा २५३ मानिसहरूलाई बन्धक बनाएको थियो। इजरायलका अनुसार हमासको उक्त हमलामा इजरालका १२ सय मानिस मारिएका छन् ।
इजरायलले यसविरुद्ध कडा कारबाही गरेको थियो। गाजामा ठूलो मात्रामा बमबारी गरेको थियो। हमासद्वारा सञ्चालित स्वास्थ्य मन्त्रालयले इजरायली आक्रमणका कारण गाजामा हालसम्म ३० हजार प्यालेस्टाइनी मारिएको दाबी गरेको छ ।
नोभेम्बरमा हमासले अस्थायी युद्धविराम सम्झौता अन्तर्गत १०५ इजरायली बन्धकहरूलाई रिहा गरेको थियो। बदलामा २४० प्यालेस्टिनी बन्धकलाई हमासले रिहा गरेको थियो। बीबीसी
प्रतिक्रिया दिनुहोस !
