नुवाकोट : नुवाकोटको किस्पाङ गाउँपालिका-५ स्थित फिकुरीमा ट्याक्टर दुर्घटना हुँदा चालकको मृत्यु भएको छ। दुई जना घाइते भएका छन्। मृत्यु हुनेमा रौतहटको मौलापुर नगरपालिका-६ पथरावुद्ध रामपुर घर भएका १८ वर्षीय धिरज यादवको घटनास्थलमै मृत्यु भएको हो।
बिहीबार बेलुकी त्रिशूलीबाट फिकुरी हुँदै भाल्चेतर्फ जाने क्रममा ना५त ८१६२ नम्बरको ट्याक्टर सडकबाट तल खसेर दुर्घटना भएको प्रहरीले जनाएको छ। शव पोष्टमार्टमका लागि नुवाकोट जिल्ला अस्पताल त्रिशूलीमा राखिएको छ।
प्रतिक्रिया दिनुहोस !
