तुल्सीपुर : दाङमा बसको ठक्करबाट एक जनाको मृत्यु भएको छ। लमही नगरपालिका-४ निवासी करिब ४० वर्षीय हरिप्रसाद पौडेलको बुटवलबाट नेपालगञ्ज जाँदै गरेको भे१ख ३९९८ नम्बरको बसले ठक्करबाट मृत्यु भएको वडा प्रहरी कार्यालय लमहीले जनाएको छ।
साइकलमा घर फर्कँदै गर्दा लमही नगरपादिलका-३ वनगाउँ नजिक पौडेललाई बसले ठक्कर दिएको थियो। घाइते पौडेललाई उपचारका लागि लमही अस्पताल पुर्याइएको र उपचारका क्रममा मृत्यु भएको प्रहरीले जनाएको छ। ठक्कर दिने बस र चालकलाई प्रहरीले नियन्त्रणमा लिएको छ।
प्रतिक्रिया दिनुहोस !
