कपिलवस्तु : जिल्ला प्रहरी कार्यालयले फरार प्रतिवादीहरुलाई पक्राउ गर्न विशेष अभियान संचालन गरेको छ। चालु आर्थिक वर्षको दोस्रो चौमासिक सम्ममा विभिन्न मुद्दाका लगत कट्टाका फरार रहेका प्रतिवादीहरु ४ महिला सहित ८५ जना पक्राउ परेका छन्।
प्रहरीको विशेष अभियान अन्तरगत जिल्लाका विभिन्न स्थानमा लुकिछिपी बसेका अभियुक्तहरुलाई विशेष सुचनाका आधारमा पक्राउ गर्न प्रहरीलाई निर्देशन गरिए अनुसार यसरी धमाधम फरार प्रतिवादी पक्राउ पर्दै गएका हुन्। फरार अपराधी, लागू औषध सेवन तथा ओसारपोसार र तस्करी नियन्त्रणका सवालमा आफु शुन्य सहनशीलताको नीतिमा अघि बढेको प्रहरी उपरीक्षक नवरत्न पौडेलले बताए।
जिल्लाका सबै प्रहरी युनिटहरुलाई फरार प्रतिवादी लुकिछिपी बसेको सूचना संकलन र पक्राउ गर्न सुक्ष्म ढंगले परिचालन गरिएको प्रहरी नायब उपरीक्षक हरि बहादुर वलीले बताए। पक्राउ परेका सवैको जम्मा कैद १ सय १४ वर्ष ७ महिना २५ दिन भुक्तान गर्न बांकी रहेकोे छ। उनीहरुबाट १२ लाख ९३ हजार ९ सय ७५ रुपैया जरिवाना रकम असुल गर्न बांकी रहेको जिल्ला प्रहरी कार्यालयले जनाएको छ।
प्रतिक्रिया दिनुहोस !
