उदयपुर: उदयपुरको कटारी नगरपालिका- ५ छाउरीखोला नजिक एक पुरुषको शव वेवारिसे अवस्थामा फेला परेको छ । टाउको एकातिर शरीर अर्कोतर्फ रहेको अवस्थामा शव फेला परेको हो ।
खोला छेउको घारीमा नाम,थर,वतन नखुलेको अवस्थामा शव फेला परेको ईलाका प्रहरी कार्यालय कटारीका प्रमुख (डीएसपी)सुवास राईले बताए ।
स्थानीयले बेवारिसे अवस्थामा शव देखेपछि प्रहरीलाई खबर गरेका थिए । जानकारी पाए लगत्तै प्रहरी निरीक्षक उमेश महतोको नेतृत्वमा टोलीले घटनास्थलको प्रारम्भिक अनुसन्धान पछि थप प्रकृया सुरु गरिएको उनले बताए ।
प्रतिक्रिया दिनुहोस !
