काठमाडौं : भारतको गोवामा सम्पर्कविहीन भएकी धनगढी उपमहानगरपालिकाका मेयर गोपाल हमालकी छोरी आरती हमाल फेला परेकी छन्। मेयर हमालले छोरी फेला परेको र उनको स्वास्थ्य अवस्था कमजोर रहेको सामाजिक सञ्जालबाट जानकारी गराएका छन्।
हमालले छोरीको खोजि कार्यमा सहयोग गर्ने गोवाहमा रहेका नेपालीलाई धन्यवाद दिएका छन्।
सोमबारदेखि छोरी सम्पर्कविहीन भएपछि हमालले खोजी कार्यमा सहयोग गरिदिन गोवामा रहेका नेपालीलाई आग्रह गरेका थिए।
उनी सोमबार भारतको जोरबा वाइब आस्बिन ब्रीजबाट सम्पर्कविहीन भएकी थिइन। आरती ओशो साधक हुन्। उनी केही महिनादेखि ओशो ध्यान गर्न गोवा बस्दै आएकी थिइन्।
प्रतिक्रिया दिनुहोस !
