सङ्खुवासभा : जिल्लाको मकालु गाउँपालिका–५ लुम्बाङमा एक पुरुषको बेवारिसे शव फेला परेको छ। बिहीबार बिहानको समयमा अलैंची बारीमा अन्दाजी ५० वर्ष उमेरको पुरुषको शव फेला परेको जिल्ला प्रहरी कार्यालय सङ्खुवासभाले जनाएको छ।
सडेको अवस्थामा पुरुषको शव भेटिएको जिल्ला प्रहरी कार्यालय सङ्खुवासभाका सूचना अधिकारी प्रहरी निरीक्षक अशोक जवेगुले जानकारी दिए। ‘शवको पहिचान गर्न सकिएको छैन, प्रहरी निरीक्षक जवेगुले भने, ‘गत चैत १६ गते एक व्यक्ति हराएको भनी जिल्ला प्रहरी कार्यालयमा जानकारी आएकाले उनका आफन्तलाई समेत बोलाएका छौं र जिल्ला मातहतका प्रहरी चौकीमा खबर भइसकेको छ।’
शव घटनास्थलमा नै राखिएको छ। यसबारे अनुसन्धान भइरहेको प्रहरीले जनाएको छ।
प्रतिक्रिया दिनुहोस !
