रामेछाप : रामेछापको रामेछाप नगरपालिका–७ डुँडेमा आगलागी हुँदा घर गोठ जलेर नष्ट भएका छन्। आइतबार दिउँसो जङ्गलमा लागेको आगो गाउँमा २ वटा घर केही गोठहरु जलेर पूर्णरुपमा क्षति भएको छ।
आगलागीबाट तेजबहादुर मगरको जस्ताको छाना भएको १ घर र खरले छाएको २ वटा गोठ पूर्णरुपमा जलेको छ। रोहित हायूको ३ वटा खरले छाएको गोठ र डेकबहादुर श्रेष्ठको १ घर र गोठ जलेको स्थानीय रोहित हायूले जानकारी दिए।
आगलागीबाट मानवीय तथा पशुचौपायामा क्षति नभए पनि घरभित्र रहेको धनमाल, अन्नपात, लत्ताकपडा सबै जलेर नष्ट भएको हायूले बताए।
यसैबीच रामेछाप नगरपालिका–६ डान्सिङटारमा आगलागी हुँदा ४ वटा घर गोठ जलेर नष्ट भएको छ। आइतबार दिउँसोको समयमा जङ्गलमा लागेको आगो गाउँमा पस्दा २ वटा घर र २ वटा गोठ पूर्ण रुपमा जलेर नष्ट भएको हो।
आगलागीबाट जबरबहादुर गोले र तुलामाया मगरको घर जलेर नष्ट भएको स्थानीय पूर्णबहादुर मगरले जानकारी दिए। आगलागीबाट घरमा भएको सबै अन्नपात, लत्ताकपडा जलेर नष्ट भएको स्थानीय बताएका छन्।
प्रतिक्रिया दिनुहोस !
