महोत्तरी : स्रोत नखुलेको रकमसहित पक्राउ परेका एक युवकलाई महोत्तरी प्रहरीले सार्वजानिक गरिएको छ। जिल्ला प्रहरी कार्यालय महोत्तरीले आज पत्रकार सम्मेलन गरि जनकपुर उपमहानगरपालिका-१ का २५ वर्षीय अनिस राइनलाई सार्वजानिक गरिएको हो।
जिल्ला प्रहरी कार्यालयका अनुसार मटिहानी नगरपालिका-६ मा शनिबार जिल्ला प्रहरी कार्यालय, महोत्तरी र प्रहरी चौकी मटिहानीबाट संयुक्तरूपमा खटिएका प्रहरी टोलीले उनी सवार रहेको सवारी साधनलाई चेकजाँच गर्दा ६ लाख ६८ हजार ५ सय रुपैयाँ फेला परेको थियो।
प्रहरीले बरामद गरेको रुपैयाँ, मोटरसाइकलसहित राइन उपर आवश्यक कारबाही प्रक्रिया अगाडि बढाउनका लागि जलेश्वर भन्सार कार्यालय, महोत्तरीमा पठाइएको छ।
प्रतिक्रिया दिनुहोस !
