अमेरिकामा जारी टी–२० विश्वकपमा भइरहेको पहिलो खेलमा क्यानडाले अमेरिकालाई जितको लागि १९५ रनको लक्ष्य दिएको छ । क्यानडाले २० ओभरमा ५ विकेट गुमाएर १९४ रन बनाएको हो।
क्यानडाका लागि नवनीत धालिवाल र निकोलस किर्टनले अर्धशतक बनाएका छन् । अमेरिकाका लागि कोरी एन्डरसन, हरमित सिंह र सौरभ नेत्रावलकरले १–१ विकेट लिएका थिए । परगट सिंह र दिलप्रीत बाजवा रनआउट भएका थिए ।
अमेरिका र क्यारेबियन टापुको आयोजनामा भएको टी–२० विश्वकप आजबाट सुरु भएको छ । पहिलो खेल क्यानडा र अमेरिकाबीच अमेरिकाको डलासमा हुँदैछ ।
अमेरिकाले टस जितेर पहिले बलिङ गर्ने निर्णय गरेको थियो।
प्रतिक्रिया दिनुहोस !
