साउदी : साउदी अरेबियामा इदका अवसरमा एनआरएन साउदीले फुटबल प्रतियोगिता आयोजना गर्ने भएको छ।
आयोजकका अनुसार दोस्रो एनआरएनए गोल्डकप २०२४ सँगै विगतमा गरिएका खेलहरूलाई निरन्तरता दिन एवम् नेपाली फुटबल खेलाडीहरूको खेल प्रतिको चासोलाई समेत ध्यानमा राख्दै हौसला बढाउन फुटबल प्रतियोगिता आयोजना गरिएको बताए। खेल नकआउट विधिबाट खेलाइने र २२ टिमले भाग लिने बताए।
अध्यक्ष रबिना अर्यालका अनुसार एनआरएन साउदीले हरेक वर्षझैं यो वर्ष पनि फुटबल प्रतियोगिता गरेको हो। यसबाट बच्ने रकमलाई पीडित उद्धार कोषका निमित्त सहयोग गर्ने उनको भनाइ छ।
प्रतियोगिता जुन १६ र १७ तारिख तुकवा खेल मैदान (खसी बजार नजिकै), दम्माम शहरमा हुने बताइन्। साथै जुन १४ ताबुक शहर तथा जुन १६ रियाद शहरमा एनआरएन साउदी मातहतमा रहेका रियाद आरसिसि र तामुक आरसिसिले आयोजना गर्ने गायक प्रिति आले र टंक बुढाथोकीको उपस्थितिमा विविध सांस्कृतिक कार्यक्रम उपस्थित जनाई कार्यक्रम भव्य रुपमा सफल पार्न अनुरोध समेत गरिन।
प्रतिक्रिया दिनुहोस !
