धरान : मोरङको सुन्दरहरैचा नगरपालिका -६ को केराघारीमा जंगली हात्ती मृत फेला परेको छ । केहि दिनदेखि भारतबाट नेपाल प्रवेश गरेको हात्तीको समूहको भाले हात्ती मृत अवस्थामा फेला परेको डिभिजन बन कार्यालय सलकपुर मोरङका अधिकृत राजेन्द्र घिमिरेले बताए ।
मृत भेटिएको हात्तीको पशु कार्यालय बिराटनगरका पशु चिकित्सक आएर पोस्टमर्टम गरेका छन् । हात्ती के कारणले मरेको भन्नेबारे एकिन नभएपनि अत्याधिक गर्मीले मरेको हुनसक्ने आशंका गरिएको छ। पोस्टमार्टमपछि जङ्गलमा गाडिएको अधिकृत घिमिरेले जानकारी दिए।
भारतबाट आएका हात्तीहरूले सुनसरी र मोरङको जंगल आसपासको मानव बस्तीमा प्रवेश गरि आतंक मच्चाउँदै आएका छन् ।
प्रतिक्रिया दिनुहोस !
