काठमाडौं : संघीय संसदअन्तरगत प्रतिनिधिसभा बैठक सुरू भएको छ। बैठकमा तीनवटा मन्त्रावयलयको बजेटमाथि छलफल हुने संघीय संसद सचिवालयले जनाएको छ।
सचिवालयले सार्वजनिक गरेको दैनिक कार्यसूचीअनुसार आज बैठकमा विनियोजन विधेयक,२०८१ को विभिन्न शीर्षकहरूमाथि जारी छलफलअन्तरगत संघीय मामिला तथा सामान्य प्रशासन मन्त्रालय,ऊर्जा,जलस्रोत तथा सिँचाइ मन्त्रालय र अर्थ मन्त्रालयको विभिन्न शीर्षकहरुमाथि छलफल हुनेछ।
यसैगरी बैठकमा उद्योग वाणिज्य तथा आपूर्तिमन्त्री दामोदार भण्डारीले लगानी सहजीकरण सम्बन्धी केही नेपाल ऐनलाई संशोधन गर्ने विधेयक २०८१ लाई प्रस्तुत गर्न अनुमति माग्ने प्रस्ताव प्रस्तुत गर्ने कार्यसूची छ। मन्त्री भण्डारीले लगानी सहजीकरण सम्बन्धी केही नेपाल ऐनलाई संशोधन गर्ने विधेयक २०८१ प्रस्तुत गर्नेछन्।
बैठकमा सांसदहरूले विनियोजन विधेयकअन्तरगत तीनवटा मन्त्रालयको खर्च कटौतीको प्रस्ताव प्रस्तुत गर्ने कार्यसूचीमा उल्लेख छ।
प्रतिक्रिया दिनुहोस !
