अमेरिकामा भारी वर्षा र पहिरो, १३ जनाको मृत्यु
![अमेरिकामा भारी वर्षा र पहिरो, १३ जनाको मृत्यु](https://annapurnapost.prixacdn.net/media/albums/america-badhi-california_wP2GACZ5LV_7WsmQAay25.jpg)
वासिङटन डिसी : मध्य अमेरिकामा भारी वर्षाका कारण एल साल्भाडोर र ग्वाटेमालामा बाढी र पहिरोमा परी १३ जनाको मृत्यु भएको अधिकारीहरूले बताएका छन्।
एल साल्भाडोरमा, अहिलेसम्मको सबैभन्दा बढी प्रभावित देश, पश्चिमी जिल्ला टाकुबामा सोमबार पाँच जनाको मृत्यु भएको नागरिक रक्षा प्रमुख लुइस अमायाले जनाए।
यसै गरी राजधानीको राजमार्गमा यात्रा गरिरहेको कारमा रूख र पोलहरु खस्दा आइतबार दुई जनाको मृत्यु भएको थियो।
शुक्रबार र आइतबारको बिचमा बाढी र पहिरोमा थप चार जनाको मृत्यु भएको अमायाले बताए। आइतबार, कांग्रेसले स्रोतहरूको परिचालनलाई सहज बनाउन आपतकालीन अवस्थालाई अनुमोदन गर्यो।
राष्ट्रपति नायब बुकेलेले एक्समा काङ्ग्रेसलाई मङ्गलबार सङघीय बिदाको आग्रह गर्दै यात्रामा बच्न र जोखिम कम गर्न आह्वान गरे। गत शनिबारदेखि नै दुवै स्थानमा वर्षा भइरहेको छ।
ग्वाटेमालामा, पश्चिमी नगरपालिका सकापुलासको चाकाया गाउँमा आइतबार एक महिला र एक पुरुषको मृत्यु भएको अधिकारीहरूले जनाए। इक्वेडरमा पहिरोमा परि मृत्यु हुनेहरूको सङख्या छ बाट बढेर सात पुग्नुका साथै अन्य २२ जना घाइते भएका अधिकारीहरूले बताएका छन्। उनीहरुका अनुसार दक्षिणी इक्वेडरको पर्यटक तुङ्गुरहुआ प्रान्तमा भारी वर्षाका कारण पहिरो गएको हो। रासस
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)