नयाँ दिल्ली : ओम बिरला भारतीय लोकसभाको सभामुख पदका लागि निर्वाचित भएका छन्। प्रधानमन्त्री मोदी र राहुल गान्धीले ओम बिरलालाई बधाई दिएका छन्।
ओम बिरला लगातार दोस्रो पटक लोकसभाको सभामुख बनेका हुन्। बिरला राजस्थानको कोटाबाट लोकसभा सांसद हुन्।
प्रधानमन्त्री नरेन्द्र मोदीले उनको नाम प्रस्ताव गरेपछि अमित शाह, नितिन गडकरी, राजनाथ सिंहले समर्थन गरेका थिए। एनडीएका गुटका नेताहरूले पनि यो प्रस्तावलाई समर्थन गरेका छन्।
चुनावपछि प्रधानमन्त्री नरेन्द्र मोदीले ओम बिरलालाई बधाई दिएका छन्। प्रधानमन्त्री मोदीले आगामी पाँच वर्षसम्म उनको निर्देशन पाउने बताएका छन्। संसदीय मन्त्री किरण रिजिजुले पनि कर्मचारी, प्रोटेम स्पिकर र संसदका सदस्यहरूलाई धन्यवाद दिए।
ओम बिरलाभन्दा अगाडि बलराम जाखडले पाँच वर्षको कार्यकाल पूरा गरेर फेरि सभामुख पद पाएका थिए। बीबीसी
प्रतिक्रिया दिनुहोस !
