लुम्बिनीमा फेरिदै सरकार : असार २९ भित्र विश्वासको मत लिइ सक्नुपर्ने
असार १८, २०८१ मंगलबार १६:०:२९
दाङ : केन्द्रमा फेरिएको सत्तासमीकरणले लुम्बिनी प्रदेशमा पनि सरकार फेरवदलको स्थिति देखा परेको छ । माओवादी केन्द्रका जोखबहादुर महराको नेतृत्वमा रहेको लुम्बिनी प्रदेश सरकारमा यसअघि नै जनता समाजवादीले समर्थन फिर्ता लिएपछि मुख्यमन्त्री महराले असार २९ गतेसम्म प्रदेशसभाबाट विश्वासको मत लिनुपर्ने अवस्था छ ।
केन्द्रमा भएको सहमतिअनुसार नेकपा एमालेको भागमा परेको लुम्बिनी प्रदेशमा नेकपा एमाले अहिलेको सत्ता साझेदार दल हो । एमालेले अहिले नै समर्थन फिर्ता नलिने र २९ गते मुख्यमन्त्रीले विश्वासको मत नदिएर अहिलेका मुख्यमन्त्री जोखबहादुर महरालाई बर्खास्त गर्ने रणनीति बनाएको छ ।
एमालेको रणनीति अनुसार असार ३० गते नै संसदीय दलका नेता लिला गिरीलाई नेपाली कांग्रेसको समर्थनमा मुख्यमन्त्री बन्नेछन् । ८७ सदस्यीय लुम्बिनी प्रदेशसभामा सरकार बनाउनका लागि ४४ प्रदेश सभा सदस्यको समर्थन आवश्यक पर्दछ । एमालेका २९ र नेपाली कांग्रेसका २७ गरी ५६ सदस्यको स्पष्ट बहुमत देखिन्छ ।
प्रतिक्रिया दिनुहोस !
