आपराधिक घटनामा संलग्न ७ जना पक्राउ

महोत्तरी : विभिन्न समयमा आपराधिक घटनामा संलग्न ७ जना पक्राउ परेका छन्। जिल्ला प्रहरी कार्यालय महोत्तरीले बुधबार पत्रकार सम्मेलन गरी सार्वजनिक गरिएको हो।

पक्राउ पर्नेमा महोत्तरी औरहि नगरपालिका-२ को चेपक्टका २२ वर्षीय राजाबाबु भन्ने राजा राम यादव, महोत्तरी औरही नगरपालिका-१ का सुनिल कुमार यादव, महोत्तरी भंगाहा नगरपालिका-२ बखरी टोलका ३० वर्षीय आशिष कुमार कंठ, महोत्तरी सोनमा गाउँपालिका-२  तरहारी  घर भई धनुषा जिल्लाको जनकपुरधाम उपमहानगरपालिका-७ जिरोमाइलमा डेरा कोठा लिई बस्ने मुखचन्द्र दास तत्मा र आशिष कुमार कंठ, महोत्तरी औरही नगरपालिका-१ का वर्ष ४० को श्रवन कुमार कापर, जिल्ला धनुषा सवैला नगरपालिका -९ भटिहन  का ४७ वर्षीय शशी शंकर कापर रहेका छन्।  

जिल्ला प्रहरी कार्यालय महोत्तरीका प्रहरी प्रवक्ता डीएसपी सन्तुलाल प्रसाद जयसवारका अनुसार प्रहरीले उनीहरूको साथबाट कटुवा पेस्तोल थान–१ थान, लाइभ राउण्ड बुलेट ४ थान, ज ८ प २६२१ र ज ३ प ५०२३ नम्बरको मोटरसाईकल, सिमकार्ड १ थान, विभिन्न दरका १ लाख ७३ हजार ३ सय २० रुपैयाँ नगद, एक थान नागरिकताको प्रतिलिपि १ थान, शिक्षक परिचयपत्र १ थान, १ थान ल्यापटप बरामद गरेको छ।