हुम्ला : हिमाली जिल्ला हुम्लामा वर्षाका कारण चार दिनदेखि हवाई सेवा अवरुद्ध भएको छ। निरन्तर वर्षा र बाक्लो कुहिरोले नेपालगन्ज, सुर्खेतबाट हुने नियमित उडान अवरुद्ध भएको हो।
वर्षाले चार दिनदेखि हवाई सेवा अवरुद्ध भएको सिमकोट नागरिक उड्डयन प्राधिकरण कार्यालय हुम्लाका प्रमुख महेन्द्रबहादुर सिंहले जानकारी दिए।
उनका अनुसार चार दिनदेखि नेपालगन्ज, सुर्खेतबाट उडान हुँदै आएका निजी एयरलाइन्स सीता, तारा, समिटको उडान हुन नसकेको बताए। दैनिक नेपालगन्ज, सुर्खेतबाट ४देखि ५ वटा उडान हुन्थ्यो वर्षाले उडान ठप्प भएको छ प्रमुख सिंहको भनाइ छ। चार दिन अगाडि बिहान मौसम नखुल्ने र दिउसो खुल्ने गरेकोले २/३ उडान हुन्थ्यो चार दिनदेखि उडान हुन सकेको छैन,’ सिंहले भने।
हवाई उडान अवरुद्ध भएपछि हुम्ला–नेपालगन्ज, हुम्ला– सुर्खेत नेपालगन्ज–हुम्ला सुर्खेत–हुम्ला आउजाउ गर्न यात्रुहरू मर्कामा परेका छन्।
प्रतिक्रिया दिनुहोस !
