सुनको मूल्य बढ्यो,चाँदी घट्यो

काठमाडौं : स्थानीय बजारमा सुनको मूल्य प्रतितोला १ सय रुपैयाँले बढेको छ । नेपाल सुनचाँदी व्यवसायी महासंघका अनुसार आइतबार प्रतितोला १ लाख ४६ हजार २ सयमा कारोबार भएको छापावाला सुन आज १ लाख ४६ हजार ३ सय रुपैयाँ कायम भएको हो।

त्यस्तै,तेजाबी सुन १ लाख ४५ हजार ६ सय रुपैयाँमा कारोबार भइरहेको महासंघले  जनाएको छ।  आइतबार तेजाबी सुन  प्रतितोला १  लाख ४५ हजार ५ सयमा कारोबार भएको थियो। 

सुनको मूल्य बढेपनि चाँदीको मूल्य भने घटेको छ।  आज  प्रतितोला चाँदी २० ले घटेको छ । चाँदी आज १ हजार ७ सय ९० रुपैयाँमा कारोबार भइरहेको छ। यसअघि आइतबार प्रतितोला १  हजार ८ सय १० रुपैयाँमा कारोबार भएको थियो।