धरान : सुनसरी, मोरङ र झापाको विभिन्न स्थानबाट लागूऔषध सहित पाँच जना पक्राउ परेका छन्।
आइतबार राति सुनसरीको धरानस्थित अस्थायी प्रहरी चौकी रेल्वेबाट खटिएको प्रहरीको टोलीले धरान-१७ का ३२ वर्षीय जीवन राई र २५ वर्षीय मनिष लिम्बुलाई ट्रामाडोल ८२० ट्याब्लेटसहित नियन्त्रणमा लिएको कोसी प्रदेश प्रहरी कार्यालयका प्रवक्ता प्रहरी वरिष्ठ उपरीक्षक भीम दाहालले जानकारी दिए।
त्यस्तै इलाका प्रहरी कार्यालय काँकडभिट्टा र लागूऔषध नियन्त्रण ब्यूरो काँकडभिट्टाबाट खटिएको प्रहरीको टोलीले मेचीनगर नगरपालिका-६ मा भारतबाट नेपाल आउँदै गरेका १९ वर्षीय निर्दोश डाँगीलाई ३ ग्राम ५ सय २० मिलिग्राम लागूऔषध ब्राउनसुगर सहित नियन्त्रणमा लिएको उनले बताए।
लागूऔषध नियन्त्रण ब्यूरो विराटनगरबाट खटिएको प्रहरीको टोलीले विराटनगर-१६ का २० वर्षीय जिवछ खत्वे र मोरङ उर्लावारी-४ का ३३ वर्षीय सबिन बुढाथोकीलाई नाईट्रोजेपाम ३० चक्की सहित नियन्त्रणमा लिएको प्रवक्ता दाहालले बताए।
पक्राउ परेकाहरू माथि थप अनुसन्धान भइरहेको उनले बताए।
प्रतिक्रिया दिनुहोस !
