बागलुङ : कालीगण्डकी नदिमा पौडिन गएका बागलुङका एक बालकलाई नदिले बगाउँदा बेपत्ता भएका छन् । बागलुङको निसीखोला गाउँपालिका–१ लेवाङ घरभई आफन्तलाई भेट्न पर्वतको कुश्मा नगरपालिका–१ सहस्रधारामा आएका १४ वर्षीय सन्तु पुनलाई सोमबार कालिगण्डकी नदिले बगाउँदा बेपत्ता भएका हुन् ।
सोमबार साथीसँगै कालिगण्डकीमा पौडिन गएका सन्तुलाई नदिले बगाएको जिल्ला प्रहरी कार्यालय पर्वतका प्रहरी निरीक्षक भुवन बरामले बताए । उनले बेपत्ता सन्तुसँग पौडिन गएका १३ वर्षीय अर्जुन पुन र १४ वर्षीय वेद घर्तीमगर सकुशल रहेको जानकारी दिए ।
अर्जुन र वेदले सन्तुलाई कालिगण्डकीले बगाएको खबर गरेलगत्तै सोमबार नै प्रहरीको टोलीले खोजी कार्य तीव्र बनाएको प्रनि बरामले बताए । उर्लिंदो भेलमा पौडिएर कालीगण्डकी नदि तर्न खोज्दा सन्तुलाई बगाएको हुनसक्ने प्रहरीको अनुमान छ ।
तीनै जना बालक एकसाता अघि अर्जुन पुनका आफन्तलाई भेट्नका लागि सहस्रधारा आएका थिए । घटनाको थप अनुसन्धान भइरहेको प्रनि बरामले जानकारी दिए ।
प्रतिक्रिया दिनुहोस !
