आज यी स्थानमा भारी वर्षा हुने
![आज यी स्थानमा भारी वर्षा हुने](https://annapurnapost.prixacdn.net/media/albums/Rainfallinkathmandu03_20220502180714_2T6qRw9nGo_zi6NpWTFGo.jpg)
काठमाडौं : आज बागमती, गण्डकी, लुम्बिनी, कर्णाली र सुदूरपश्चिम प्रदेशका एक–दुई स्थानमा भारी वर्षा हुने जल तथा मौसम विज्ञान विभागले जनाएको छ। त्यस्तै विभागका अनुसार यी प्रदेशका अन्य केही स्थानमा मेघगर्जन र चट्याङसहित हल्कादेखि मध्यम वर्षा हुने छ।
हाल देशभर मनसुनी वायुको प्रभाव रहेको तथा मनसुनको न्यून चापीय रेखा सरदर स्थानको आसपास अवस्थित रहेको छ । शुक्रबार बिहान बागमती र गण्डकी प्रदेशका केही तथा बाँकी प्रदेशका एक–दुई स्थानमा हल्कादेखि मध्यम वर्षा भइरहेको विभागको बुलेटीनमा उल्लेख छ ।
आज राति पनि बागमती ,गण्डकी, कर्णाली र सुदूरपश्चिम प्रदेशका केही स्थानमा मेघगर्जन र चट्याङसहित हल्कादेखि मध्यम वर्षा हुने जनाइएको छ।
विभागले बागमती, गण्डकी, लुम्बिनी र कर्णाली प्रदेशका एक–दुई स्थानमा भारी वर्षाको सम्भावना रहेकोले ती क्षेत्रमा हुन सक्ने सम्भावित जोखिमबाट बच्न सबैलाई अनुरोध गरेको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)