काठमाडौं : हिरो मोटोकर्पका आधिकारिक बिक्रेता सिजी मोटर्सले ‘हिरो एक्सचेन्ज’ र ‘इभल्भ सोरुम एक्सचेन्ज’ आयोजना गरेको छ। आइतबारबाट सुरु भएको अफर शुक्रबारसम्म चल्ने बनेपा, दुलेगौँडा, गौशल, धनुषाधम, महेन्द्रनगर इस्ट, सुरुंगा, भैरहवा, नेपालगन्ज, महेन्द्रनगरमा कम्पनीले जनाएको छ।
यस मेलामा ग्राहकले कुनै पनि ब्रान्डका मोटरसाइकल एक्सचेन्ज गर्दा बजार मूल्यांकनभन्दा आठ हजारभन्दा बढी मूल्यांकन पाउने आयोजकले जनाएको छ।
एक्सचेन्ज अफरमा ७ हजार रुपैयाँसम्मको नगद छुट र निःशुल्क हेल्मेट पनि वितरण गरिने बताइएको छ। ग्राहकले हिरो एक्स पल्स, सुपर स्प्लेन्डर, स्प्लेन्डर प्लस, र जुमका दुईपांग्रे सवारी लिन सक्ने कम्पनीले जनाएको छ।
सिजी मोटर्सले हाल नेपालका विभिन्न स्थानमा ५० भन्दा बढीको सोरुमको नेटवर्क सञ्चालन गरिरहेको छ। यसबाहेक सिजी मोटर्सले बढ्दो ग्राहकको संख्यालाई ध्यानमा राख्दै नेपालभर सेल्स, सर्भिस तथा स्पेयर पार्टस् नेटवर्कलाई पनि द्रुत गतिमा विस्तार गरिरहेको जनाएको छ।
प्रतिक्रिया दिनुहोस !
