नुवाकोट : नुवाकोटको शिवपुरीमा -७ सूर्य चौर इलाकामा एयर डाइनेस्टीको हेलिकोप्टर दुर्घटना भएको छ। काठमाडौंबाट रसुवाको स्याप्रुबेसीका लागि उडेको एयर डाइनेस्टीको हेलिकोप्टर दुर्घटना भएको हो।
जिल्ला प्रहरी कार्यालय नुवाकोटका अनुसार हेलिकोप्टरमा पाइलटसहित पाँचजना सवार थिए। उनीहरुको अवस्था खुलेको छैन। जिल्ला प्रहरी कार्यालयका प्रवक्ता एवं डीएसपी तिलक भारतीले हेलिकोप्टरको पुच्छरबाहेक अन्य सबै भाग जलेको अवस्थामा भेटिएको अन्नपूर्णलाई जानकारी दिए। उनले भने,' हेलिकोप्टरको पुच्छरबाहेक अन्य सबै भाग जलेको अवस्थामा भेटिएको छ। उद्दार भइरहेको छ। '
प्रतिक्रिया दिनुहोस !
