साफ यू-२० च्याम्पियनसिप: श्रीलंकाविरुद्ध पहिलो हाफमा नेपालको अग्रता
![साफ यू-२० च्याम्पियनसिप: श्रीलंकाविरुद्ध पहिलो हाफमा नेपालको अग्रता](https://annapurnapost.prixacdn.net/media/albums/WhatsApp_Image_2024-08-18_at_15.37.37_0FMaQZGsnU_fJJOV7Nz6G.jpg)
काठमाडौं : साफ यू-२० च्याम्पियसिपअन्तर्गत श्रीलंकाविरुद्धको खेलको पहिलो हाफमा घरेलु टोली नेपालले अग्रता बनाएको छ।
खेलको २४ औँ मिनेटमा निराजन धामीले गोल गर्दै सुरुवाती अग्रता बनाएका हुन्। ललितपुरको सातदोबाटोस्थित एन्फा कम्प्लेक्स मैदानमा जारी खेलको पहिलो हाफमा श्रीलंकाविरुद्ध नेपाल १–० ले अघि छ।
नेपालले साफ यू–२० च्याम्पियनसिप चौथो पटक आयोजना गरेको हो। यसअघि नेपालले पहिलो संस्करणसहित सन् २०१९ मा तेस्रो र २०२३ मा पाँचौं संस्करण आयोजना गरेको थियो। सन् २०१५ मा नेपालबाट सुरु भएको उक्त च्याम्पियनसिपको पहिलो संस्करण एन्फा कम्प्लेक्समै खेलाइएको थियो।
उक्त प्रतियोगितामा नेपालले फाइनलमा भारतलाई पेनाल्टी सुटआउटमा पराजित गर्दै उपाधि जितेको थियो। सन् २०१७ मा भुटानमा भएको उक्त च्याम्पियनसिपमा नेपाल च्याम्पियन बनेको थियो। त्यसपछि भारतले लगातार तीन पटक उपाधि जितिसकेको छ। अहिलेसम्म पाँच संस्करण आयोजना हुँदा नेपाल दुई पटक विजेता र दुई पटक सेमिफाइनल पुगेको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)