काठमाडौं : भक्तपुरमा हुने धेरै नाचमध्ये प्रसिद्ध महाकाली नाच प्रदर्शन गरिएको छ । भक्तपुरस्थित मध्यपुर थिमीको दिगु टोलमा बुधबार राति महाकाली नाच देखाइएको हो । पहिले जनताले दुःख पाएको बेलामा भगवान स्वयम् प्रकट भएर जनतालाई सहयोग गर्न उत्पन्न भएको नाचको रुपमासमेत महाकाली नाचलाई लिने गरिन्छ ।
यो नाँच पनि जनैपूर्णिमाको भोलिपल्टदेखि सुरू गरिएको थियो । उक्त ऐतिहासिक नाच दिगुटोल, चपाचो, वाननीलगायतका स्थानमा देखाइएको थियो जसमा महाकाली, महालक्ष्मी, देवी, सिंहर दैत्य, भूत भैरव,कावाख्या तथा माक देवगण गरी विभिन्न देवीदेवतालाई नचाइएको थियो । जीव जिवात्माहरु एक आपसमा मिलेर बस्नुपर्छ भन्ने मान्यताका साथ उक्त नाच देखाइने गरिएको स्थानीयहरूको भनाइ छ ।
मध्यपुरथिमिलाई भूतप्रेत,पिचाश र दानवी शक्तिबाट जोगाउन यस्ता परम्परागत धार्मिक आस्था बोकेको नाच देखाउने परम्परा रहेको संस्कृतिविद्हरूको भनाइ छ ।
प्रतिक्रिया दिनुहोस !
