बागमती प्रदेशको वन तथा वातावरण मन्त्रालयको नेतृत्व गरिरहँदा यस मन्त्रालय अवसर र चुनौती दुवै पाएको छु । यस मन्त्रालयको काम जगत र जीवनलाई जोड््नुको साथै पर्यावरणलाई मानव जीवनसँग कालन्तरसम्म सुन्दर बनाउनेअन्तर्गत पर्छ । यसलाई व्यवस्थित गर्न अहिलेदेखि काम गर्ने अवसर छ । भने, चुनौती हामीभित्र अलि–अलि रहेको छ । वन मन्त्रालयप्रति, वनका कर्मचारी र मन्त्री समेतलाई सर्वसाधारण जनताले हेर्ने नजर अलि फरक छ । त्यसलाई सर्वस्व कार्य सबैले यो वन हाम्रो हो, यो वन र जीवन अन्यन्य मिश्रित सम्बन्ध छ भनेर बुझाउनुपर्ने यो पनि चुनौती छ ।
मन्त्रालयले यसअन्तर्गत रहेका वन तथा वातावरण,भू–संरक्षण, जलाधार संरक्षण जस्ता क्षेत्रमा विशेष रूपमा योजना बनाएर काम सुरु गरेको छ । मन्त्रालयले प्रदेशभित्र रहेका वन जंगलको संरक्षण गर्दै त्यहाँ रहेको काठ–दाउरा,जडीबुटीको उत्पादनलाई बढाउँदै वनजंगलभित्र खेती प्रणालीको विकास गर्दै समुदायमा रहेका आमजनताको जीवन स्तरमा आर्थिक उन्नति ल्याउने लक्ष्य लिएको छ ।
यस्तै जलाधारको क्षेत्रमा ठूलो नदीको जलाधार र त्यसका सहायक जलाधार क्षेत्रहरूको संरक्षण गर्ने, भविष्यमा सम्भावित बाढी पहिरो जाने स्थानहरूको एकिन गरी त्यहाँ वृक्षरोपण गर्ने, पछिल्लो समय विश्वमै जलवायु परिवर्तन भइइरहेको छ । त्यसले गर्दा हाम्रो देशमा समेत प्रत्यक्षवा अप्रत्यक्ष रूपमा असर गरिरहेको देखिन्छ । जलवायु परिवर्तनले पारिरहेको प्रभावलाई कम गर्दै वातावरणलाई स्वच्छ राख्न मन्त्रालयले कार्यविधि तयार गर्दै काम गर्न सुरु गरिरहेको छ । बागमती प्रदेशको करिब आधा भू–भाग वनजंगलले ढाकेको छ ।
त्यसको संरक्षण गर्दै वनजंगलबाट स्थानीय समुदाय र राज्यलाई समेत आर्थिक रुपमा लाभप्राप्त होस्् भने उद्देश्यका साथ ‘बागमती प्रदेश आत्मनिभर प्रदेश बनाउने अभियान’ सुरु गरेका छौं ।
(सिलवाल बागमती प्रदेश वन तथा वातावरण मन्त्री हुन् ।)
प्रतिक्रिया दिनुहोस !
