चितवनको सत्रकिलोमा गुड्दै गरेको बसमाथि ढुंगा खस्यो, अनियन्त्रित भएर १९ जना घाइते
भदौ ७, २०८१ शुक्रबार १५:३८:४७
चितवन : चितवन भरतपुर महानगरपालिका-२९ सत्रकिलोस्थित मुग्लिङ सडक खण्डमा गुडिरहेको बसमाथि ढुंगा खसेको छ। एक्कासी ढुंगा खसेपछि बस अनियन्त्रित्र भएर सडकमा पल्टिदा १९ जना यात्रु घाइते भएका छन्। तनहुँको आँबुखैरेनीमा बस दुर्घटनाको उद्धार नसकिदै चितवनमा अर्को बस दुर्घटना भएको हो।
रौतहटको गौरबाट पोखराका लागि जाँदै गरेको ग २ ख ४७ नम्बरको बसमाथि ढुंगा खस्दा अनियन्त्रित भएर १९ जना घाइते भएको चितवन प्रहरीले जनाएको छ। घाइतेहरूलाई उद्धार गरी उपचारका लागि भरतपुर अस्पताल पठाइएको प्रहरीले जनाएको छ।
घाइतेमध्ये दुईजनाको अवस्था चिन्ताजनक छ। ढुंगा लागेर बसमा क्षति पुगेको छ। सडकमै बस पल्टिएपछि सवारी आवागमन अवरुद्ध भएको छ।
प्रतिक्रिया दिनुहोस !
