धादिङ : पृथ्वी राजमार्ग सुक्खा पहिरो पहिरोले अवरुद्ध पृथ्वी राजमार्ग अन्तर्गत नौबिसे–मलेखु सडक खण्ड ४ घण्टापछि दुईतर्फी सञ्चालनमा आएको छ।
पृथ्वी राजमार्गअन्तर्गत धादिङको थाक्रे गाउँपालिका-२ कोइरालेमा पहिरो हटाएपछि राजमार्ग सुचारु भएको हो। सडक विभागले पृथ्वी राजमार्गको पहिरो हटाउन राखेका ३ वटा डोजरले राजमार्गमा खसेको ढुंगा र माटो हटाएपछि राजमार्ग सञ्चालनमा आएको जिल्ला ट्राफिक प्रहरी कार्यालय धादिङका प्रमुख रविन्द्र कुमार श्रेष्ठले बताए।
अलपत्र परेका यातायातका साधन यात्रु र मालबाहक सवारी साधनहरू गन्तव्यतर्फ प्रस्थान गरेका छन्। यो वर्षातमा नौबिसे–मलेखु सडक खण्डमा पटक-पटक पहिरो खस्दा यात्रु प्रभावित हुँदै आएका छन्। सडक माथिबाट सुक्खा पहिरो झर्दा राजमार्ग अवरुद्ध बनेको थियो।
प्रतिक्रिया दिनुहोस !
