कपिलवस्तु : सुर्खेतबाट नारायणघाटतर्फ जाँदै गरेको बस कपिलवस्तुको शिवराज नगरपालिका-१ बनकसबासामा दुर्घटना भएको छ। २४ जना घाइते भएको प्रहरीले जनाएको छ।
जिल्ला ट्राफिक प्रहरी कार्यालय कपिलवस्तुका अनुसार सुर्खेतबाट नारायणघाटतर्फ जाँदै गरेको लु २ ख १५९८ नम्बरको बस बनकसबासामा दुर्घटना भएको हो।
घाइतेको चन्द्रौटास्थित विभिन्न अस्पतालमा उपचार १५ जनाको उपचार भइरहेको छ। सात जना घाइतेको भैरहवास्थित मेडिकल कलेजमा उपचार भइरहेको छ।
गाडीको चालक र सहचालक प्रहरी नियन्त्रणमा रहेको ट्राफिक प्रहरी निरीक्षक अनिष भण्डारीले बताए।
प्रतिक्रिया दिनुहोस !
