काठमाडौं : युवा उद्यमीहरूले सुरू गरेको स्टार्टअप व्यावसायको प्रवर्द्धन गर्न अन्नपूर्ण मिडिया नेटवर्कले सुरू गरेको ‘स्टार्टअपसँग अन्नपूर्ण’अभियानमा भोयाजो नेपाल प्रालि जोडिएको छ । मंगलबार नेटवर्कको तीनकुनेस्थित केन्द्रीय कार्यालयमा भएको एक समारोहमा उक्त सम्झौता भएको हो ।
सम्झौतापत्रमा ‘स्टार्टअपसँग अन्नपूर्ण’अभियानको मार्केटिङ संयोजक सुधा भुजेलले र भोयाजो नेपाल प्रालिका मार्केटिङ हेड रोशनी खड्काले हस्ताक्षर गरे । भोयाजो नेपालले उत्कृष्ट यात्रा प्याकेज निर्माण गरि विदेशी पर्यटक भित्राउने काम गरिरहेको छ । साथै डिजिटल मार्केटिङ जानेका व्यक्तिहरूलाई अफिलिएट मार्केटिङको प्रयोग गरेर विदेशी पर्यटकहरूलाई नेपाल घुम्ने प्याकेज बिक्री गरि अतिरित्त आर्यआर्जन गर्ने प्लेटफर्म पनि प्रदान गर्दछ ।
‘नेपालका घुम्नका लागि संसारको सुन्दर देश हो । सबै मिलेर पर्यटन प्रवर्द्धनमा लागे मुलुकको आर्थिक विकास छिट्टै हुनेछ,'भोयाजो नेपाल प्रालिका संस्थापक सिईओ गौरव बिष्टले ‘यसका लागि संसारभरका पर्यटकलाई नेपाल भित्राउनका लागि हामीले प्याकेज बनाएर बिक्री गर्दै आइरहेका छौं । यो अभियानबाट पक्कै पनि थप सहयोग पुग्नेछ।'
यो अभियानमा नेटवर्कका सबै प्लेटफर्महरू सहभागी हुनेछन् । नेटवर्कले हाल नेपाली संस्करण अन्नपूर्ण पोस्ट दैनिक,अंग्रेजी द अन्नपूर्ण एक्सप्रेस डेली, रेडियो अन्नपूर्ण नेपाल ९४ मेगाहर्ज, अनलाइन न्यूज पोर्टल अन्नपूर्ण पोस्ट डट कम, एपीवान टेलिभिजनलगायतका मिडिया प्लेटफर्महरू सञ्चालन गर्दै आइरहेको छ ।
प्रतिक्रिया दिनुहोस !
