जोमसोम : मुस्ताङको घरपझोङ गाउँपालिकामा शनिबारदेखि वडास्तरीय ‘प्रथम अध्यक्ष कप’ सुरु भएको छ। घरपझोङ गाउँपालिकाको आर्थिक वर्ष २०८१/०८२ को वार्षिक स्वीकृत कार्यक्रम अनुरूप मुस्ताङको घरपझोङ-५ ठिनीमा यसैवर्षदेखि ‘अध्यक्ष कप’ खेलकुद प्रतियोगिता सुरुवात गरिएको हो।
प्रतियोगिता अन्तर्गत भलिबल खेल र स्थानीय सादा धनुषवाण(तारा) खेल प्रतियोगिता समावेश गरिएको जनमुक्ति युवा क्लबका अध्यक्ष सञ्जय थकालीले जानकारी दिए।
भलिबल खेलको च्याम्पियनले नगद ५० हजार र उपविजेताले नगद ३० हजारसहित शिल्ड , मेडल र प्रमाणपत्र प्राप्त गर्ने छन्। ५० भन्दा माथि र ५० भन्दा तल्लो उमेरका खेलाडी सहभागी टिमले क्रमशः नगद २५ हजार र १५ हजारसहित शिल्ड, मेडल, ट्रफी र प्रमाणपत्र पाउने छन्।
प्रतिक्रिया दिनुहोस !
