गत अगस्ट ३१ मा फ्रान्सको राजधानी पेरिसमा आयोजना भएको पारालिम्पिक नेपालका लागि ऐतिहासिक रह्यो । इतिहास तेक्वान्दो खेलाडी पलेसा गोवद्र्धनले रचिन् । नेपालका लागि पलेसाले अहिलेसम्मकै ठूलो पदक जितिन् । पारालिम्पिकको के–४४ विधाअन्तर्गत महिला ५७ केजीमुनिको तौलसमूहमा पलेसाले कांस्य पदक जितेकी थिइन् । उनले जितेको कांस्य पदक नेपाली खेलाडीले जितेको अहिलेसम्मकै ठूलो पदक हो । त्यसो त तेक्वान्दोतर्फमात्रै नभई पलेसाले जितेको पदक नेपाली खेलकुद जगतकै लागि ऐतिहासिक उपलब्धि हो । यसले समग्र खेलाडी जगत्लाई ठूलो प्रेरणा हो ।
गृष्मकालीन ओलम्पिकमा नेपालले तेक्वान्दोमै प्रदर्शनी खेलमा कांस्य पदक जितेको छ । दक्षिण कोरियामा सन् १९८८ मा दक्षिण कोरियामा भएको २४औं संस्करणको सिओल ओलम्पिकमा विधान लामाले ल्याएको उपलब्धि प्रदर्शनी खेल भएकाले पदक तालिकामा गणना गरिएको थिएन । पलेसाले यसपालि जुन उपलब्धि हासिल गरिन् त्यसको छनक सन् २०२० मै दिएकी थिइन् । त्यो साल जापानमा भएको पारालिम्पिकमा पहिलोपटक सहभागी भएर उनी कांस्य पदकनजिक पुगेकी थिइन् ।
उनी पारालिम्पिकमा दुई खेल जित्ने पहिलो नेपाली खेलाडी पनि बनेकी छन् । पलेसाले पदकका लागि नेपाली खेलाडी अन्तर्राष्ट्रिय प्रतिस्पर्धा गर्न सक्षम छन् प्रमाणित गरिदिएकी छन् । त्यसो त २१ वर्षीया पलेसाले पेरिस पारालिम्पिकसहित तीन स्वर्ण र तीन कांस्य गरी ६ अन्तर्राष्ट्रिय पदक जितेकी छन् ।
जन्मँदै अपांगता भए पनि पलेसाले जुन प्रतिभा प्रदर्शन गरिन्, त्यसले खेलकुद जगत्सँगै समग्र नेपालीलाई ठूलो प्रेरणा दिएको छ । पलेसाले बायाँ हातको हत्केला नहुँदा नहुँदै पनि जसरी खेलकुद क्षेत्रमा आफूलाई अब्बल सावित गरेकी छन् । सँगसँगै उनले पढाइलाई पनि अघि बढाएकी छन् । चीनको सांघाईस्थित तोङजी विश्वविद्यालयमा आर्किटेक्चर इन्जिनियरिङ पढिरहेकी पलेसाले खेल र पढाइ दुवैलाई उत्तिकै महŒवका साथ अघि लगेकी छन् । खेलाडी र कलाकारहरूलाई कला र अध्ययनसँगै लैजाने चुनौती हुन्छ, जसलाई पलेसाले सामना गरेकी छन् । त्यस मानेमा पनि पलेसा अब्बल र उदाहरणीय सावित भएकी छन् । देशको नाम रोशन बनाएकी छोरीलाई अझै प्रगतिको शुभकामना ।
प्रतिक्रिया दिनुहोस !
