वीरगन्ज : वीरगन्ज–८ पानीटंकीस्थित एक सेकुवा पसलबाट प्रहरीले लागुपदार्थ ब्राउन सुगर (खैरो हेरोइन)सहित एक भारतीयलाई पक्राउ गरेको छ । विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले जमुना सेकुवा पसलबाट ४८ ग्राम ब्राउन सुगरसहित एक भारतीय नागरिकलाई पक्राउ गरेको हो ।
पक्राउ पर्नेमा भारतको बिहार राज्यको मोतिहारी जिल्लाको आदापुर निवासी विकास कुमार पटेल रहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दीपक भारतीले जानकारी दिए ।
आइतबार बेलुकी जमुना सेकसवा पसलमा खाजा खाइरहेका बेला प्रहरी टोली पुगेर पटेललाई नियन्त्रणमा लिएको र उनको शरिर खानतलासी गर्दौ ४८ ग्राम ब्राउन सुगर बरामद भएको भारतीले बताए ।
ब्राउन सुगरसहित पक्राउ परेका पटेललाई जिल्ला प्रहरी कार्यालय पर्साको हिरासतमा राखेर थप अनुसन्धान भइरहेको उनले जानकारी दिए ।
प्रतिक्रिया दिनुहोस !
