दोलखा : नेविसंघ दोलखाले आयोजना गरेको स्व. भीम बहादुर तामाङ स्मृति विद्यालय स्तरीय फुटबल प्रतियोगिताको उपाधि सहिद आवासीय मावि जिरीले हात पारेको छ।
सदरमुकाम चरिकोटस्थित भीमेश्वर रंगशालामा भदौको २५ गतेबाट सुरु भएको खेलमा सोमबार अल्पाइन पब्लिक स्कुललाई ३–० गोल अन्तरले हराउँदै सहित आवासीय मावि जिरीले उपाधि हात पारेको हो।
जेम एकेडेमी जिरी तृतीय र द राइजिङ हिम्स एकेडेमी चरिकोट सान्त्वना भएको नेविसंघ दोलखाका अध्यक्ष सौगात थापाले बताए। प्रतियोगितामा प्रथम, द्वितीय, तृतीय, र सान्त्वना हुने टिमले क्रमशः ५० हजार, ३० हजार, २० हजार र १० हजार रुपैयाँ पुरस्कार सहित शिल्ड, मेडल र प्रमाणपत्र प्राप्त गरेका छन्।
खेलमा १७ वटा विद्यालयको सहभागिता रहेको थियो।
प्रतिक्रिया दिनुहोस !
८
