धादिङमा पहिरोमा पुरिएर एकजनाको मृत्यु , धादिङबेसी जोड्ने सडक अवरुद्ध
असोज १२, २०८१ शनिबार ११:१६:२८
धादिङ : धादिङमा पहिरोले घर पुरिँदा एक जनाको मृत्यु भएको छ । आज बिहान करिब ६ बजेतिर घरमाथि पहिरो खस्दा थाक्रे गाउँपालिका -६ महादेवबेशीका ४५ वर्षीय सानु राईको मृत्यु भएको प्रहरीले बताएको छ । धादिङमा हिजोदेखि अविरल वर्षा भइरहेको छ ।
यसैगरी धादिङको सदरमुकाम धादिङबेसीलाई पृथ्वीराजमार्गसँग जोड्ने कालु पाण्डे राजमार्ग पहिरोले अवरुद्ध भएको छ । धादिङको नीलकण्ठ नगरपालिका -८ दारेगौडा र साघुटारमा सडक माथिबाट खसेको ढुंगगा माटोसहितको पहिरोले सडक दुईतर्फी अवरुद्ध भएको हो।
अहिले त्यस क्षेत्रमा सवारी आवागमन पूर्ण रुपले अवरुद्ध बनेको छ । पहिरोले ढुंगा र रुखहरू खसेकोले तत्काल बाटो खुलाउन कठिन रहेको नीलकण्ठ नगरपालिका -८ का वड़ा अध्यक्ष प्रकाश श्रेष्ठले जानकारी दिए। पहिरो खसेको दुबै ठाउँमा साँघुरो र घुम्ती भएकोले जोखिम अत्याधिक रहको प्रहरीले जनाएको छ ।
प्रतिक्रिया दिनुहोस !
