सिन्धुली : सिन्धुलीको हरिहरपुरगढी गाउँपालिकाका बाढी पीडितलाई गाउँपालिकाले राहात वितरण गरेको छ । गत बिहीबारदेखि लगातारको वर्षापछि बागमती नदीमा आएको बाढीका कारण घरबारबिहीनी भएका पीडितलाई गाउँपालिकाले राहात सामाग्री वितरण गरेको हो ।
शुक्रबार र शनिबार बागमती नदीमा आएको बाढीले घरगोठ बगाएर बेघर भएकाहरूलाई गाउँपालिकाले खाद्यान्न,लत्ताकपडा, भाँडाकुडा, त्रिपाललगायतका राहत सामाग्री वितरण गरिएको गाउँपालिकाका अध्यक्ष बज्रध्वज वाइवाले जानकारी दिए ।
बागमती नदी र साना खोला तथा खहरेमा आएको बाढी र पहिरोका कारण गाउँपालिकाको वडा नम्बर १ र ३ मा मात्र ५० घरमा क्षति पुगेको थियो । वडा नम्बर १ को बस्तीपुर, ककरे, कुर्लेफाट, चिसापानी कुडुले फाट, बेल्टार, पहरी दमार र वडा नम्बर ३ को बँगैचा,नयाँ बस्तीमा बागमती नदीको बाढी पस्दा ५० घर डुवानमा परेका थिए । तीमध्ये दशवटा बगाएर पूर्णरुपमा क्षति भएको छ । दर्जनौं पशु चौपाय नदीले
बाढी प्रभावितलाई गाउँपालिकाको पहलमा उद्दार गरेको थियो । ‘मानवीय क्षति हुनबाट जोगाउन सफल भएपनि पशुचौपाय तथा अन्नपात, लत्ताकपडा, भाँडावर्तन सबै बाढीले बगायो । बाढीका कारण घरबारबिहीन भएकाहरूलाई गाउँपालिकाले खाद्यान्न, लत्ताकपडा, भाँडाकुडा, त्रिपाल लगायतका राहत सामाग्री वितरण गरिएको हो,’अध्यक्ष वाइवाले भने ।
घर डुबानमा परेकाहरूको उद्धारमा गाउँपालिकाका अध्यक्ष आफै खटिएका थिए । ‘बामती नदीमा हेलिएरै पीडितहरूको उद्धार गरेका छौं । हामीलाई गाउँ प्रहरी तथा स्थानीयको सहयोग भएपनि राज्यका अन्य निकायको कुनै सहयोग पाएका छैनौं तर पनि पीडितलाई सुरक्षित स्थानमा राखेर राहात दिएका छौं । अब उनीहरूको पुनर्स्थापनाको काम थाल्ने छौं,’उनले थपे ।
प्रतिक्रिया दिनुहोस !
