धरान : लागुऔषध खैरो हिरोइन (ब्राउन सुगर)सहित सुनसरी प्रहरीले दुईजना कारोबारीलाई पक्राउ गरेको छ । बुधबार राति धरान-१५ का राजु थापाको घरमा छापा मारी उनीहरूलाई पक्राउ गरिएको जिल्ला प्रहरी कार्यालय सुनसरीका प्रवक्ता डिएसपी रामप्रसाद तिमल्सिनाले जानकारी दिए।
विशेष सूचनाको थापाको घरमा लागुऔषध बिक्री वितरण भइरहेको भन्ने खबर प्राप्त हुनसाथ इलाका प्रहरी कार्यालय धरानबाट प्रहरी निरीक्षक दिवस कुवर नेतृत्वको टोलिले थापा र अभिशेक मगरलाई नियन्त्रणमा लिएको हो।
उनीहरूले खाटको कुनामा प्लास्टिकमा लुकाई छिपाई राखेको अवस्थामा लागुऔषध बरामद गरिएको डिएसपी तिमल्सिनाले बताए ।
प्रतिक्रिया दिनुहोस !
