धरान : सुनसरीको दुहबी नगरपालिका-३ स्थित धरानका व्यवसायी प्रिन्स अग्रवालको गलैचा उद्योगमा बुधबार राति भीषण आगलागी भएको छ । गए रातिदेखि लागेको आगो पूर्णरुपमा नियन्त्रणमा नआएको जिल्ला प्रहरी कार्यालय सुनसरीका डिएसपी रामप्रसाद तिमल्सिनाले बताएका छ्न् ।
उद्योग सञ्चालनका क्रममा विद्युत सर्ट भइ आगलागी भएको हुनसक्ने डिएसपी तिमल्सिनाले बताए । आगलागीका कारण एक बिघा क्षेत्रफलमा निर्माण गरिएको भवन र मेसिन र गोदाममा राखेका गलैचा,सिरक, डस्ना, चकटी, म्यट्रेस, कार्पेट, एउटा गाडीलगायतका सामग्री जलेर नष्ट भएको सुनसरी उद्योग वाणिज्य संघका प्रथम उपाध्यक्ष गोपाल श्रेष्ठले जानकारी दिएका छन् । उनका अनुसार उद्योगको गोदाममा राखेको ४० करोडको सामग्री र मेसिन र भौतिक संरचना गरी ८० करोड बढिको क्षति भएको छ ।
आगलागी भएपछि बिराटनगर, इटहरी, धरान, दुहबी, इनरुवा, झुम्कालगायतका स्थानबाट दमक आएपनि आगो नियन्त्रणमा समस्या भएको थियो । प्रहरीले भने क्षतिको यकिन विवरण आइनसकेको जनाएको छ ।
प्रतिक्रिया दिनुहोस !
